My friends, una don hear wetin I dey hear? Siddon hear better gist biko! When Aisha Buhari do dat im London interview, I hear many, many things. Afraid catch me for her sef.
One day, as I dey come downstairs for my house, I dey for phone wit one of my sources. E come tell me say Mamman Daura wan marry for Baba. Laugh tear my belle sotay, I missed one step. Na small e remain, make I fall down. Second wife for who? Wetin Baba dey find? Dem dey marry for old person? Aproko for comot four incisors from my teeth that day.
Again! Again o! Rumor mongers no allow person rest. Dem talk say Amariya dey give Baba massage. Some even say, she is the rejuvenating rejuvenation. Dem say she sabi cook well, well! People are wicked sha. Dem say Aisha don provoke and vacate go London since August. Which kain thing be dat? How she go provoke come abandon oza room for the Masseuse and top chef? If na me ehn, I go learn massage and physical therapy join. Na only massage I hear o. No be me talk am o. Na tell, dem tell me. I no wan go to jail. Una good efening!